Моселман жамгияте

Бу җирләрнең җитәкчелеге инде әлеге фәрманга имза куйган. Анда ислам диненең алман теле һәм математика кебек үк мәҗбүри предмет исемлегенә керүе әйтелә. Хәзерге вакытта монда 320 мең мөселман баласы укый. Ләкин инде 2014 елдан ислам предмет буларак Түбән Саксониядә укытыла башлый. Аннары әкренләп башка федераль җирләрдә урнашкан мәктәпләргә дә кертеләчәк.
Дөньяның иң романтик урыннарының берсе Венеция дә әкренләп мөселманлашып килә. Бөтен Италиядәге мөселманнар саны исә якынча 825 мең. Алар бүген монда тулы хокуклы булып яшиләр, мәчетләр ачалар, үз-үзләрен Италия җәмгыятенә интеграцияләргә тырышалар. Рамазан фарызын да онытмыйлар – быелгы авыр климатик шартларга карамастан, Италия мөселманнары уразаны калдырмады.
Италиягә 20-30 ел элек гарәп һәм Азия илләреннән укырга яки эшләргә килгәннәр. Монда туып үскән нәсел дә пәйда булган. Исламга күчкән мөселманнар да аз түгел. Мигрантларның күбесе хезмәт күрсәтү секторында мәшгуль. Итальяннарның «изге һөнәрен» дә уңышлы гына үзләштергәннәр алар: Венециягә килгәч, пицца ашамыйча кайтуыма ышанмаслар дип, рестораннарның берсенә кердем, ләкин итальян ризыгын да миңа яшь кенә Азия егете пешереп бирде. Үз милли ашларын да онытмыйлар мондагы мөселманнар: күпсанлы пиццерияләр янәшәсендә хәләл кафелар да бар.
Биредәге мөселманнар өч ел элек үзләренә олы мәчет тә булдырганнар – аның мәйданы 900 м2. Якын-тирәдәге иң зур мәчетләрдән булган «Венеция мөселман җәмгыяте» мәчете элекке фабрика бинасында урнашкан.

4. Мөселман җәмгыятенең киләчәге

Россиянең истәлекле даталары исемлегенә яңа истәлекле датаны – Россиянең хәзерге территориясендә Ислам дине рәсми кабул ителгән көнне кертү турында Россия Федерациясе Федераль Собраниесе Федерация Советы Рәисе С.М. Мироновка, Россия Федерациясе Федераль Собраниесе Дәүләт Думасы Рәисе Б.В. Грызловка Татарстан Республикасы Дәүләт Советы Мөрәҗәгәте.
Россия Федерациясе Федераль Собраниесе Дәүләт Думасы 2010 елның 21 маенда «Россиянең хәрби дан көннәре һәм истәлекле даталары турында» Федераль законның 11 статьясына үзгәрешләр кертү хакында» Федераль закон кабул итте. Анда яңа истәлекле дата – Русьны Чукындыру Көне гамәлгә куела. Бу көн Россиядә ел саен 28 июльдә билгеләп үтеләчәк.
Хәзерге вакытта бер-беребез белән аралашу өчен нинди генә чаралар юк. Аеруча киң таралган аралашу ысулы ул — интернет. Шушы көннәрдә дөнья пәрәвезе киңлекләрендәтагын бер яңа проект старт алды. Vislame.info. - мөселманнар өчен каралган социаль челтәр. Оештыручы - «Info-Ислам» мәгълүмат агентлыгы.
Сайт төрле төбәкләр, хәтта чит илләргә сибелеп яшәүче мөселманнарга үзара аралашу мөмкинлеге бирә. Биредә һәркем үз мәнфәгатьләре, кызыксынуларыннан чыгып төркемнәргә берләшә ала. Фотохезмәтләрне һәм аудио-файллар урнаштырырга да мөмкин. Оештыручылар фикеренчә, Vislame.info.- мөселманнарның интернет челтәре буйлап кызыклы сәяхәтенә әйләнергә тиеш. Шул ук вакытта мөселманнар Исламга каршы килә торган мәгълүматлардан сакланачак. Үзегез беләсез, хәзер интернет челтәре төрле чүп-чарга бай. Сайтта мөселманнарны рәнҗетүче фотографияләр, язмаларга урын булмаячак. Моны бик игътибар белән күзәтеп барачаклар. Оештыручылар кулланучылардан килгән тәкъдимнәр, ризасызлыкларны да игътибардан читтә калдырмаска ышандыра.
Йомгаклау

Җәмгыятьтә тәртип һәм рухи үсешне тәэмин итүче чыганакларның иң мөһиме – әдәп-әхлак, ә күркәм әхлакның нигезе – дин, иман. Аллаһы Тәгалә кешеләргә туры юлны күрсәткән, хәләлне хәрамнан аерган һәм аларның чикләрен тегәл билгеләнгән. шул кануннар буенча яшәгәндә генә кеше бәхеткә, уңышка ирешә ала, дөньялыкта тормышны бәрәкәтле, ә ахирәттә киләчәге өметле була. Аллаһы Тәгалә кешеләрне шул кануннар буенча яшәсеннәр, җирдә җәбер-золым кылмасыннар өчен яраткан, һәм пәйгамбәрләре аша ислам динен җиткергән. Дини кануннарны өйрәнү, шулар буенча гына яшәү – һәркемнең бурычы. Балаларга шул нигезләрне өйрәтү, аларга дөрес тәрбия бирү, аларда кечкенәдән күркәм әхлак сыйфатлары булдыру, төрле бозыклыклардан саклау бигрәк тә мөһим. Чөнки киләчәк алар кулында.
Динебез татар халкын иң авыр чакларда да исән-имин саклап калды, болганчык заманнарда да халкыбыз үз телен, гореф-гадәтләрен онытмады, иманын югалтмады. Дин-башка дөньяви фәннәр – химия, биология, физика, математика кебек үк фән икән. Әмма алардан аермалы буларак, ул дөньяны бүтән яссылыкта, ягъни дин, рух яссылыгында танып белергә өйрәтә.
Ислам – дөнья диннәре арасында иң яшь дин, 922 нче елның 16 мартында Болгарда кабул ителгән. Мөхәммәд пәйгамбәребез Аллаһы Тәгалә тарафыннан илче итеп җибәрелә. Ислам динен җир йөзендә бер миллиардтан артык халык тота, күпчелек Африка-Азия илләрендә аның дәүләт дине булып саналуын һәм Коръәннең изге китап булуын аңлата. Коръән китабы – ул кешелеклелек китабы. Коръән – хәдисләр һәм догалар җыентыгы гына түгел, ә яшәү өчен кирәкле булган гыйлем, үгет-нәсихәт, һәр адәмгә туган көненнән алып, аны соңга юлга озатканда да кирәкле фәлсәфи, юридик, әхлакый тәрбия китабы да.
Соңгы вакытта мөселманнар аралашу өчен яңа интернет-сайтлар ачылды. Төрле шәһәрләрдә бик күп мөселман кибетләре эшли башлады.
Мөселманнарга бүгенге җәмгыятьтә дөрес яшәү рәвешен алып бару үтә дә кыен. Дөрес, хәзер хәләл ризыклар, кием-салым табу олы мәшәкать түгел. Ләкин урамдагы мохит мөселманча түгел. Башларына яулык бөркәнгән яки түбәтәй кигән мөселманнарны сәер карашлар озата. Мондый кыенлыклар Аллаһы Тәгаләдән галәмгә җибәрелгән бер зур сынаудыр, мөгаен. Хак дин бүгенге көн яшәү шартына яраклаштырыла. Ә чынлыкта мөселманнар үзләренең яшәү шартын Исламча яраклаштырырга тиеш бит.


Кулланган әдәбият исемлеге

1. Габидуллин И. Еврорамазан: Италия мөселманнары 40 градус эсселектә ураза тотты/ Габидуллин И. // Иманлы сүз. – 2011. - № 9.
2. Җәмдихан Рафис. Мөселманнар арта бара/ Җәмдихан Р. Ислам. – 2011. - № 1.
3. Заһидуллин И. Элек һәм хәзер/ Заһидуллин И. // Алтын урта. – 2011 - № 12.
4. Хәмидуллина Н. Мөселманнар өчен яңа сайт ачылды. Интертат. – 2010.- № 1.
5. Шәймәрдән Айзат. Рамазан ае – изге бәйрәм / Шәймәрдән А.// Ислам. – 2008 - №34.




Заһидуллин И. Элек һәм хәзер/ Заһидуллин И. // Алтын урта. – 2011 - № 12.

Шәймәрдән Айзат. Рамазан ае – изге бәйрәм / Шәймәрдән А.// Ислам. – 2008 - №34.


Җәмдихан Рафис. Мөселманнар арта бара/ Җәмдихан Р. // Ислам. – 2011. - № 1.

Габидуллин И. Еврорамазан: Италия мөселманнары 40 градус эсселектә ураза тотты/ Габидуллин И. // Иманлы сүз. – 2011. - № 9

Хәмидуллина Н.Мөселманнар өчен яңа сайт ачылды. Интертат. – 2010.- № 1.













13